كلمات اغنية بسرح واتوه كاريوكي

بسرح واتوه كاريوكي كلمات

بسرح واتوه ف الذكريات

وبعيش حياة ويا اللي فات

اشخاص اماكن كل شيء

حاجة توديني لحاجات

حكايات مواقف كلها

ف الماضي دي انا عشتها

كل لما اغمض عيني اروح

لسنين سابتني وسيبتها

كل لما اغمض عيني اروح

لسنين سابتني وسيبتها

ليه بحبها مهي ماضي عدى وانتهى

وإن سيبتها تمشي بترجع وحدها

وساعات انا بشتاقلها فاندهلها

ليه بحن ليها واعيش عليها

مفيش اجابة عرفتها

وف السنين انا مش كبير

وشعري اسود زي ليل

والليل مبيعديش طويل

مفهوش هروب م الذكريات

ليه مليش ف بكرة وليه بتوه

ليه مليش ف حلم بترسموه

بسرح ف الاقي الذكرى بس

وفيها بلقى انا يومي أمس

غير يومكوا ده اللي بتعيشوه

الذكرى واخداني لمكان

انا وسط بكرة مليش وجود

ف الذكرى بس بكون انا

برجع ف غمضه عين سنه

وسنه ف سنه انا ببقى انا

عيل بيهوى الدندنة

احلامه سهلة وممكنة

وعشان كدة انا من هناك

انا بنتمي للذكريات

ومليش مكان بينكم هنا

بسرح واتوه ف الذكريات

وبعيش حياة ويا اللي فات

اشخاص اماكن كل شيء

حاجة توديني لحاجات

بسرح واتوه