كلمات اغنية بن متعب مسفر السندوانة

بن متعب مسفر السندوانة كلمات

لي ايام ماهدا صداعي ولا هديت

من الخاطر اللي يوم تكثر تفاكيره

مسكت الطريق المستوي لين معه ادويت

وفهقت الشماغ وثوبي ارخيت ازاريره

وتذكرت طاري طيب له مقام وصيت

محله تزاحم به مواتر خطاطيره

اسوق السلام لطيب الراس مازليت

على مسلم اسوق القصيد و تعابيره

هل المجد واهل الفعل والعز والسيره

راعي مجلس من يوم تقبل عليه اوحيت

تراحيبه اللي ماتقاطع مساييره

قنا خيرة زمول الجزيره على ماريت

ومنحها النشاما كل عام كثر خيره

ياكم عزبة فيها زمول لها تثبيت

لهم دونها وقفه ولفه وتدويره

لوانه يولى شركة النفط ولا الزيت

بيفني دخلها مثل ماافنا مقاهيره

ذبايحه ل الضيفان واللي ترود البيت

وعلى العود الارزق راحت اكثر مخاسيره

كسبته ياابن متعب بشتى معاييره

حاكيتك وقلت ابشر ما ماطلت بي وابطيت

ولا قلت خله لين تكثر معاشيره

منحته لوانه منتج وجدت به واصخيت

بناته تبيع كل ماحط تسعيره

تقدم لشوط الرمز وتحطم التوقيت

وتهدي التهاني للشعار وجماهيره

تجملت قدام المعرفه معي واوفيت

وذي عادة الطيب ماتكثر معاذيره