كلمات اغنية بن هيف الحارثي جفران بن هضبان

بن هيف الحارثي جفران بن هضبان كلمات

جاكم ابن هيف مزبان الثقيله

راعي الوقفات و الكف النداوي

شيخنا عبد الله آلي مامثيله

كود بن شداد وبخيت العطاوي

كاسب الامداح والطرقه طويله

وإن وصل ضاعو كبيرين الهقاوي

ابن هيف اليا اعتزى من فوق خيله

ينطح الغارات ويحل الدعاوي

في سنام المجد و العد الرهاوي

نلطم الاخصام في يومن وليله

يوم دقلات القبايل والعزاوي

اسمنا جمرة عرب نرقى الطويله

والفقير بمدنا يصبح غناوي

مانبي الا المجد مانبغى بديله

ندحم الامتان يوم الذيب عاوي

يابني سفيان يالروس المهيله

ياكبار الحظ يالنجم السماوي

يوم سميتو على الاسما الاصيله

جاكم ابراهيم بالماجوب ناوي

ولد بن هيف ان حصل فالوقت ميله

عادته ما يعشق الا المستحيله

بالغصب ماهو بكذب ولا سناوي

واخوانه يمناه وسيوفاً صقيله

من يعاديهم على البيد متساوي

والسمي لجل السمي ماقل حيله

ماتقدم للزوم الا الفداوي

قدم الماجوب و العالم تخيله

ياعسى وجه الردي يلويه لاوي

جيب شاص وتو ماورد مديله

ينحر الضلعان والفج الخلاوي

فل كامل يطرب العالم صهيله

وان مشى فالخط مايرحم وياوي

يشهد التاريخ ليله بالف ليله

وابن هيف يخلد اسمه كل راوي