كلمات اغنية بواكير الوسم فايز العتيبي

بواكير الوسم فايز العتيبي كلمات

بواكير الوسم

سهيل له خمسين يومن ياخبير

والوسم دندن بالرعود اويله

طاحت بواكير الوسم وبلن غزير

واجواء البلاد مونسه ومفيله

برق تلالا غرب بالثلث الاخير

من الفراشه للبصير اخيله

عساه يسقي كل منبات الخشير

ثم يتوسع بالمناشي والمسير

وكل وادي لاغشاه يسيله

ولياتعدى شرقنا يرجع كسير

كنه يقول الاولات قليله

وعساه يسقي دار من لاله خشير

غرو سكن بين الضلوع لحيله

سيد الغواني لاطويل ولاقصير

اللي مثل سبيب شقراء جديله

ووجهه مثل شمس الشتاء قبل العصير

إن روحت يم المغيب مميله

يااللي هواك النوم من فوق السرير

في خايع توه من الوسمي مطير

ومن مطر سابق كساه شتيله

والصبح مركايه على جال الغدير

واضبط فطور البدو جنب مهيله

هذا هوا بالي وشفي بالي ياخبير

بر يلاعب قحوياه غزيله

مدهال ذود صاحبه مااعلف شعير

ومن مكان الى مكان يحيله