كلمات اغنية تلغراف محمد محسن

تلغراف محمد محسن كلمات

البقاء لله يا صاحبي شد حيلك كله فاني وابقى قول لو عوزت حاجة وانت عارف فين مكاني

ده احنا اهل مفيش كسوف حد ضامن الظروف وانت عارف عيني ليك ده احنا عشرة وعيب عليك

ده انت خيرك برضه سابق واللي بينا مش شوية اللي راح كان زي اخويا وكان جدع ويخاف عليا

كنت احس ايه مضايقه وهو جاي من بعيد كان فاهمني زيي واكتر وكنت انا صاحبه الوحيد

من وكنا صغيرين اتناقشنا في كل حاجة كورة فن سياسة دين

وله معايا مية حكاية و ذكريات ملو السنين ربنا يجمع ما بينا في حتة احسن قول آمين

هو مين بيعزي مين ولا اعزي ازاي في دمي ع العموم متشلش همي وخلي بالك بس منك

مش بقول تنسى لكنك عارف ان الدنيا ماشية وبكرة نبقى كويسين

وانت عارف لو هينفع كنت اجيلك والبقاء لله يا صاحبي وشد حيلك

اللي فات نص تلغراف وصلني من ساعات وكان عزا نص اللي عايش بيا من النص اللي مات