كلمات اغنية تمنيت باسم الكربلائي

تمنيت باسم الكربلائي كلمات

تمنيت غيمة وعلى جناح السمه

تمنيت انزل مطر وكت الضمه

نلتقي ماي وعطش يم النهر

واعصر عيوني عله اشفاه الگمر

تمنيت تمنيت

مملكة العش للحمام

لو فگد معنى السلام

يبدي حزنه

واني طيرة وعشها ضاع

عمري من بعد الوداع

ماله معنه

فوگ رمش الغالي ضيف

وانجمعنه

تسمع وتبجي السنين

اشيحچي عباس الحنين

ويه سكنه

مواضيع بيناتنه گد الهوه

مواضيع انفاسي وانفاسه سوه

شنسه وبالي الف ذكره وصور

واعصر عيوني على اشفاه الگمر

تمنيت تمنيت

رايحة ريشة اعله ريح

فوگ صدر الغالي اطيح

واشتكيله

اه ترميني اعله اه

وصارت الدنيا وراه

لو جنح عندي واطير

جية الضامي اعلة بير

انه اجيله

اغسل ابدمعي التراب

وامسح الدم بالحجاب

وچفه اشيله

واحاچيه ع الي جره والماجره

واحاچيه بعدين ابوسه ابمنحره

في اسويله مثل في الشجر

واعصر عيوني عله اشفاه الگمر

تمنيت

امنية ابهاذي الضروف

نجمة من بعيد اشوف

هيه لحظه

ياخذ العينه ضواي

وصدره يتنفس هواي

مايرفضه

النار اخرها الرماد

واني اخرتي فؤاد

ابلايه نبضه

ابلايه ذاكرتي بقيت

چم حرف بسمي نسيت

واسمه احفظه

يعباس يا اغلى من ماي الذهب

يعباس مي النهر يغلى اشعجب

خاف لا طوله استحه ويمك گصر

واعصر عيوني عله اشفاه الگمر

تمنيت

ليل والعالم غريب

ابصحوتي اسمع نحيب

وابمنامي

ماتت احروف الكلام

بروحي وبعيني ظلام

وبخيامي

كل شي موت وكل شي نار

حته دمعات الزغار

والاسامي

كم طفل ناعم يليل

ابلا ذنب دايسته خيل

وهوه ضامي

حرامات اني وخواتي ابلا غطه

حرامات نفتر مثل سرب الگطه

عطشونه واحنه للوادم مطر

واعصر عيوني عله اشفاه الگمر

تمنيت

للنهر چني اعتنيت

ريت عميانه من اجيت

ماشفتها

عينك البيها انه انام

نايمه بيها السهام

وعاتبتها

چفك اليسواله جيش

گاطعينا مدري ليش

استغربتها

صدرك الدافي الخجول

ساحگه اضلوعه الخيول

امكسرتها

وداويك محتاره اشيلن ياسهم

واداويك الدنيا صارت كلها دم

دمك الزينب وصل منها اعتذار

واعصر عيوني عله اشفاه الگمر

تمنيت

الگاع تحرگني واصيح

مره اوگف مره اطيح

من وصلتك

بين ابروحي انكسار

شعري ابيض كله صار

لمن شفتك

هاذي راية وذاكه جود

وراس مضروب ابعمود

ماعرفتك

اجروحك اتسولف تريد

تحچي بس صوتك بعيد

ماسمعتك

مواعيد يادنيا ماضلت بعد

مواعيد چان الفرات اخر وعد

مابقه غير الامل بالمنتظر

واعصر عيوني عله اشفاه الگمر

تمنيت