كلمات اغنية جبل الصمود جورج مارتينوس

جبل الصمود جورج مارتينوس كلمات

جبل الصمود من كلمات الحان و توزيع

جورج مارينوس

على مفرق التاريخ واقف يا بلدي العتيق

حامل جروحك وكرامتك شمعة الطريق

تحت الشتي والريح صوتك ما انحنى

عم ينده للغياب من صوب المدى الغريب

بيوتنا حجارها حكايات وصور

وصمودنا من صخر جبالنا انحفر

يا أرضي اللي ما بتتعب من كتر التعب

باقي الوفا فينا مهما اسي الدهر

صوت الحق فيه ما بيسكته صدى

كرامتنا أرض وجذور وزيتون

ما بتركع لغيم ولا بتنحني لعدى

يا لبنان يا وجع القلب والحنين

باسمك رح نغني وبصوتك صامدين

نسم يا هوا بلادي ع بيوت الحجر

خبر أهالينا إنو الفجر انتصر

مهما القساوة طالت غصون الشجر

راجع يغني الناي ع رن الوتر

بفيات الزيتون صلينا الصبح

ومسحنا بايدينا آثار الجرح

هالأرض اللي رويناها بدموع العين

بتبقى المنارة وبتبقى هيي الصرح

زغير بلدي بس وسع المدى

صوت الحق فيه ما بيسكته الصدى

ما بتركع لغيم ولا بتنحني لعدى

يا لبنان يا وجع القلب والحنين

باسمك رح نغني وبصوتك صامدين

يا جبين العز اللي ما بيعرف هوان

يا حكاية أرز مكتوبة ع الزمان

من رماد منقوم ونعلي الصوت

ومنعمر بكرامتنا أجمل مكان

زغير بلدي بس وسع المدى

صوت الحق فيه ما بيسكته صدى

كرامتنا أرض وجذور وزيتون

ما بتركع لغيم ولا بتنحني لعدى

يا لبنان يا وجع القلب والحنين

باسمك رح نغني بصوتك صامدين