كلمات اغنية جميل النشاما غزاي بن سحاب

جميل النشاما غزاي بن سحاب كلمات

بيوت الشعر تنقاد لـ الشاعر المغمور

ليا قاد شطر البيت جاته مواخيره

احد يقنص الفكره واحد ياخذ الميسور

واحد شطر من عنده وشطرين من غيره

ومن يشرب الفنجال الاول مجاه اقصور

ومن يدرك الحكمه تخلص من الحيره

عقول الرجال اتويق للخافي المستور

وكلن حسب عقله وعرفه وتفكيره

وسرن دفنته فيه ياصعب تحريره

بوقت الرخى لك ناس واجد و الك جمهور

وقت الله الله تختفي يالله الخيره

ولا تكنز الا اهل الكرم محكمين الشور

صدوف الزمان الها على الشخص تدويره

يجي ظرف طاري ويحصل ف الامور امور

ويصعب عليك الوضع ويبين تأثيره

تحيزم بمن يعصب على عظمك المكسور

هل الخير واجد لاخلت منهم الديره

وانا يوم حملي جار و اكثر علي الجور

نصيت ابو سامي طيب الذكر والسيره

سلم كف قرمن مايحسب مخاسيره

ابا اعد وامدح لو فعلك ماهو محصور

مجمل ومن سوا سواتك كثر خيره

ابذكر مقامك معي والله مغط النور

بوقت الهداد الرجل يذكر فعل طيره

شهاده لوجه الله ماهي شهادت زور

ملكني بطيبه و انا ملزم بتقديره

عسى ذنب موقد من جزيل العطا مغفور

ويحميه ربي من بلاء القبر و سعيره

معقب لنا قرمن محنك طويل اشبور

كما الغيث مع خوياه ويقدر الجيره

اله مجلسن عامر ويفزع مع المعسور

عليه الكبار ابحكمته تصبح اصغيره

نزيه الجناب اللي مايقرب من المحذور

لعله بحفظ امن الزمان ومقاديره

ومن يجحد المعروف مايذكره مثبور

جميل النشاما دين تدفع فواتيره

و انا من جميلك على رد الوفا مجبور

عسى الله يقدرني وانا تحت تدبيره