كلمات اغنية جيب العز ولا كحز مسلم

جيب العز ولا كحز مسلم كلمات

عيوني فعيونك

بدلتي لونك

تبعتي ظنونك

ظنونك كتخونك

قالو بلّي تبدلتي وما بقيتي واحد منا

بغاو يضربو فـ الزيرو مبنيتي فـ عشرين سنة

كان خاصك تبقا خاطي باش تبقا تمثلنا

حنا لي نعيشو حياتنا وانت غي مزكنا

حياتك حنا نرسموها وحنا لي نختارو اللون

حنا لي طلعناك و حنا لي نحكمو كيف تكون

انت غي فنان فالشهرة مسجون

هدا هو حال الفن الملعون

غنّي على الوطن وتحدا بغناك ذيابو

غنّي على الشعب واحسب شعراتك لي شابو

غنّي على راسك

وعلى ظنونك لي خابو

كتشوفني عالي حيت هذاك مكاني

كتشوفني لفوق حيت تما عنواني

ماشي أناني يمكن غير لساني

هو لي معدبك باش تبقا مگابلني

و متبعني

موسيقتك كتموت قبل ما توسخ وذني

و على بالي بيك و بلّي

كتيري فظهري

وفوجهي غي كيدمع لي

أما لي معايا كان ديما معايا

من البداية حتى إلى ما لا نهاية

مسلم هذا و كيف العادة

خطوة محسوبة

احكام مزروبة

خطة ملعوبة

الدنيا مقلوبة

بغاوك تبكي مع الحومة وتغرق فـدموعا

تغني فـ الظلمة وتذوب مع شموعا

تفكر تخرج من تما

طريقك مقطوعة

احلامك غتبقا تحلما

حتى تموت بجوعا

خلقنا فقراء ومبغينا نموتو فقراء

كبرنا فـ الكارة وعارفينها بلّي حكارة

أما الحقادة لي مقابلين الـقـيـل والقـالـة

أجي معايا التمرّد و الرّسالة

و باقي عاقل انا ماعمري نسيت

ماين جيت أنا و كيفاش بديت

فاين كانو ملّي زرعت وسقيت !؟

بغاو يكونو دبا ملّي جنيت

كتشوفني عالي حيت هذاك مكاني

كتشوفني لفوق حيت تما عنواني

ماشي أناني يمكن غير لساني

هو لي معدبك باش تبقا مگابلني

و متبعني

موسيقتك كتموت قبل ما توسخ وذني

و على بالي بيك و بلّي

كتيري فظهري

وفوجهي غي كيدمع لي

أما لي معايا كان ديما معايا

من البداية حتى إلى ما لا نهاية

مسلم هذا و كيف العادة

غتـجيب العز و لا غير كحز آصاحبي