كلمات اغنية حاتم عتيبة منير البقمي

حاتم عتيبة منير البقمي كلمات

يا مصرف الارزاق يالله يا معين

من لاذ بك والله ما يشكي من مملل

حتى لو ان الهم في صدري دفين

راعي محل يامر على راع المحل

اكابد الأيام وضروف السنين

وهاذا وما جاني وهاذا ما حصل

ولا بانت الخله نصيت اللي يبين

اللي يقف للكايده وقفت بطل

اصمل من الشرشور لمنه صمل

انا معنزها على الجنب المتين

ابن محيل ابيض وجه وابيض فعل

احمد عشير الطيبين الغانمين

ما فيه فرق بينه وبين الجبل

وقفاته اشهر من نجوم الفرقدين

على العلوم الغانمه دايم عجل

فعله وطيبه يبهج القلب الحزين

ومن ضامته الايام يعطيه الامل

فزعته مثل الماء ومثل الاكسجين

للي يشوف الموت ويشوف الاجل

اتربع ابه الأرض نوير ونفل

ليا تجمل ما يمد الا الثمين

ويمناه ما خلقت على شان الاكل

يكرم ويعطي باليسار وباليمين

جمايله في الناس يدبلها دبل

ياكم وقف في لازم وعتق سجين

ابن محيل اسم يخلده الفعل

حاتم عتيبه سعد من حطه عوين

ذخر الرجال اللي يقضون الحلل

من عزوة الهيلا ملاذ الخايفين

يوم الحروب ويوم دقلات الجهل