كلمات اغنية حبيب حبيبتي زياد الدساس

حبيب حبيبتي زياد الدساس كلمات

متشكر بأمانه بفضلك كل مشاعري بقت متهانه

كنت فاكر اني حبيبك بس طلعت سد خانه

فضلت مريض و دوايا مش موجود في الاجزخانه

ازاي رد الجميل يا جميل تكون ابشع خيانه

و انا مش بستعبط كل حته في قلبي اهي اتفرتكت

عرفت إني بعيط قالت سيبوه شويه و يبقى سكت

و لسا للنهارده بعيط من ساعتها

قلبي اتكوى بـ نار حتى ما لمستها ولا لسعتها

يا اخواننا إزاي اتخاننا و طلع عين ابويا

سابت كل الرجاله و راحت حبت أخويا

يا محاسن الصدف مش صدفه بالعكس انتي قاصده

الحزن عشش فيا يا فرحي فين انا لا اراك

قالت بحبك قولت كلامك ليا قالت لـ صاحبك اللي وراك

جرحتني مقتلتنيش هزها احسن من غزها

صدق عبد الحليم لست وحدك حبيبها

بـ سهوله سيبتي كرهتي غيرتي فـ غيبتي

بعدتي و لو جابوا سيرتي بـ شر مش بتردي غيبتي

يا مصيبتي نشنتي عليا و اديكي صيبتي

مليش نصيب و غريب ده صاحبي بقى حبيب حبيبتي

حضنك ازاز قلبي اتملي بـ ندبات ياما ندبتي

عمرك ما ندمتي انك بيعتي مسكت فيكي و ما تبتي

صدقتك لما اتمسكنتي لحد ما من قلبي اتمكنتي

كيف هالبعد يصيبني كنت بحبك ليش ما كنتي

كنتي اما بتدعي بتبقي داعيه عليا و مش داعيالي

خلي الدبدوب اللي جايبهولك يحضنك بدالي

لما قولتي خليك جمبي كانت حيالـه عزومة مراكبيه

كانت عليكي العين و ما بيني و بينك مشوار ساعتين

و اعاتب فـ تعيطي الا قوليلي جيبتي الدموع دي منين

عايزه نرجع حد قالك ان حياتي زريبه

اجدع منك القديمه خانت مع واحد و مش كتيبه

كل ده جرح طيف ييجي و يختفي في لمح

مش هنرجع تاني بح مش هضعف تاني انا لن و لم

قلبي اتكسر كله لم فين حياتي كفايه خم

وعد هفضل أبكي فيكي بدل دموعك دم

ولا تستاهلي اكتئاب ديناميت فـ القرب كان إرهاب

قلبك لا كافيه ولا ميكروباص لا ده بقى مركز شباب

و لو عـ القول كانت مسجلانا كلنا My All

مبقتش عارف مين حبيب حبيبتي في كل دول

بـ سهوله سيبتي كرهتي غيرتي فـ غيبتي

بعدتي و لو جابوا سيرتي بـ شر مش بتردي غيبتي

يا مصيبتي نشنتي عليا و اديكي صيبتي

مليش نصيب و غريب ده صاحبي بقى حبيب حبيبتي

حضنك ازاز قلبي اتملي بـ ندبات ياما ندبتي

عمرك ما ندمتي انك بيعتي مسكت فيكي و ما تبتي

صدقتك لما اتمسكنتي لحد ما من قلبي اتمكنتي

كيف هالبعد يصيبني كنت بحبك ليش ما كنتي