كلمات اغنية حب ماله مثيل ماجد خضير

حب ماله مثيل ماجد خضير كلمات

عساك معمور يا بيت بحي النخيل

بيت ركونه تظل الناس بظلالها

منزل هنوف لها قيمه وقدر جليل

النايدة عن جميع الغيد بخصالها

اقفى بها الحظ والدنيا تحط وتشيل

خمسة عشر عام مدري وش هي احوالها

خلت في قلبي لها سيرة وشرح طويل

احن لوصالها واشرف على اطلالها

ارجع على سالفتها وافتح أقفالها

يمرني طيفها ماهوب عابر سبيل

عابر وله هجرس لعيني وغنا لها

لاميل الشوق دون انذار قمت استميل

تطري لي عيونها ومشاهد اقبالها

اللي غلاها بصدري له هدير وصهيل

كيف اربط خيولها وانوخ جمالها

يخطي عليه شريط الذكريات ويعيل

وانا اجودي والخطايا مالي ومالها

طيوفها تلعب العرضه بسيف صقيل

لا قامت صفوفها حطتني فـ بالها

واليوم عيني من الهجران عزا لها

اشوف جوالها كنه بوجهي دخيل

حاولت وازريت لا احذف رقم جوالها

يا ليت لي مع نسبها شي من هالقبيل

إما ولد عمها وإلا ولد خالها

يا اللي تمرونها تكفون سووا جميل

ردوا عليها تحية روح تبرى لها

يا الله عساها على احسن حال في كل ليل

لكن يا هل ترى وش سمت عيالها

حب جمعني بها عيا يجي له مثيل

مثل النساء يوم عيت تنجب أمثالها