كلمات اغنية حرب شاملة جوني

حرب شاملة جوني كلمات

ماتقوليش ان الورود طلعت بلاستك

و اني اهبل لما باقبل ابقى نحلة

لمي كل الورد جايز لو لمستك

يصحى تاني و فجاة تبقى الدنيا احلى

ماتقوليش على شوقي ليكي سوء معاملة

ماتقوليش عايشين عشان نكره وجودنا

قولي ان الكون بحاله ف حرب شاملة

قولي ان لقانا وسط الحرب هدنة

ماتقوليش ان المطر سارح ف جسمي

ناوي يكسي بالصدا رعشة مفاصلي

ماتقوليش غير كلمة واحدة قولي اسمي

ردديه و استطعميه علشان تواصلي

ماتقوليش عايشين عشان نكره وجودنا

قولي ان الكون بحاله ف حرب شاملة

قولي ان لقانا وسط الحرب هدنة

بين شفايفك اسمي بيسلسل خريفي

بين شفايفي لو مافيش غيرك يكفي

ايوة ماغرزتش ف قلب العتمة سيفي

بس غارس جدر شمسك جوه كفي

ماتقوليش على شوقي ليكي سوء معاملة

ماتقوليش عايشين عشان نكره وجودنا

قولي ان الكون بحاله ف حرب شاملة

قولي ان لقانا وسط الحرب هدنة