كلمات اغنية حفل معتق العياضي بدر الشعيفاني ومهنا العتيبي

حفل معتق العياضي بدر الشعيفاني كلمات

يالشعيفاني بدر يا ذخر حرب القاف غنه

باللحون اللي تشوش حرب والماضي نعيده

يا مهنا غن وانت اللي تعرف الناس فنه

بالطواريق القديمه والطواريق الجديده

من جزاء الغيداني اخذ البيت له صنه ورنه

شاعر حربي لا جاب البيت يسوى له قصيده

ابن عمي في لزومه لا زهمني عند ظنه

كل طيب لا بدا بالطيب يا مهنا نزيده

نجم عالي في سماه ولا تعلى غير بـ ايده

ازهل ازهل وابن حرب اليا مواقيفه دعنه

قام باللازم على اكمل وجه والفرصة سعيده

سادس العيد ميقاف الوفاء والفخر

ما تهاونت من دونه علي الحرام

دون ميقاف حرب اليوم مالي عذر

ابشروا بالقصيد اللي عليه الكلام

شاعر يغرف بيوت الشعر من بحر

هقوته ما تخيب ونظرته للامام

احتزم يا مهنا واحتزم يا بدر

ليلة عالميه مالحقها ملام

اطربوا باللحون وشوشوا من حضر

في مقام حضر به كل عالي مقام

للوفاء وقفه وتاريخنا ما اندثر

حرب حرب الوفاء من بين كل الانام

الكبار الدهاه اهل الوجوب الحشام

حرب حرب المراجل والكرم والظفر

حرب روس العرب في حرب ولا سلام

لـ اجل معتق ومعتق محزم للظهر

لا وقف وقفته تجذب نظر واهتمام

شاعر ينقض الابيات لو هي حجر

يكسر عزوم خصمه مثل كسر العظام

وان فتل يرهق الشعار جهد وفكر

ينقرا في ملامحهم عن الانهزام

من على ساحة الميدان يامر امر

الملاعب ذلول وفي يديه الخطام

دون ربعه مثل ورقان صرح ومقر

يدحم وتظهره يمناه يوم الزحام

كانها بالمراجل كانها بالشعر

كاسب الاوله واسمه لربعه وسام

اشهد انه بنا له بالمعالي قصر

يوم غيره يحاول والنتيجه عدام