كلمات اغنية حكاية شعب عبد الحليم حافظ

حكاية شعب عبد الحليم حافظ كلمات

كورس قلنا حنبنى و ادى احنا بنينا السد العالى

يا استعمار بنيناه بايدينا السد العالى

من اموالنا بايد عمالنا هى الكلمة وادى احنا بانينا

عبد الحليم اخوانى تسمحولى بكلمة

كورس هيه

عبد الحليم الحكاية مش حكاية السد

حكاية شعب للزحف المقدس قام وثار

شعب زاحف خطوته تولع شرار

شعب كافح وانكتب له الانتصار تسمعوا الحكاية

كورس بس قولها من البداية

عبد الحليم هى حكاية حرب و تار بينا و بين الاستعمار

فاكرين لما الشعب اتغرب جوه فى بلده

كورس اه فاكرين

عبد الحليم والمحتل الغادر ينعم فيها لوحده

عبد الحليم والمشانق للى رايح واللى جاى

ودم احرارنا اللى راحوا فى دنشواى

كورس اه فاكرين

عبد الحليم من هنا كانت البداية وابتدا الشعب الحكاية

كان كفاحنا بنار جراحنا يكتبه دم الضحايا

كورس وانتصرنا انتصرنا انتصرنا

عبد الحليم انتصرنا يوم ما هب الجيش و ثار

يوم ما اشعلناها ثورة نور ونار

يوم ما اخرجنا الفساد يوم ما حررنا البلاد

يوم ما حققنا الجلاء

كورس انتصرنا انتصرنا انتصرنا

عبد الحليم رجعت الارض الحبيبة الطيبة لايدين صحابها

التقينا العز فيها والكنوز تايها فى ترابها

قلنا نلحق نبنى مستقبلها ونرجع شبابها

كورس نعمل ايه

عبد الحليم كان طبيعى نبص للنيل اللى ارواحنا فى ايديه

ميته فى البحر ضايعة والصحارى فى شوق اليه

قلنا نبنى سد عالى سد عالى سد عالي

بص الاستعمار صعب حالنا عليه ليه نرجع مجدنا ونعيده ليه

كورس يعمل ايه

عبد الحليم راح على البنك اللى بيساعد ويدى

قاله حاسب قالنا مالكمش عندى

كورس قلنا ايه

عبد الحليم كانت الصرخة القوية من الميدان فى اسكندرية

صرخة اطلقها جمال احنا اممنا القنال

كورس احنا اممنا القنال احنا اممنا القنال

عبد الحليم ضربة كانت من معلم

كورس خلى الاستعمار يسلم

عبد الحليم والحصار الاقتصادى

كورس برضه ماذلش بلادى

عبد الحليم جاب سلاحه وطياراته غواصاته ودباباته واعتدى علشان نسلم

كورس هو مين لا ده بعده هو اللي اتلقى وعده

عبد الحليم كنا نار اكلت جيوشهم نار تقول هل من مزيد

انتصرنا ولسه عارهم ذكرى فى تراب بورسعيد

والعروبة فى كل دار وقفت معانا

والشعوب الحرة جت على اللى عادانا

كورس و انتصرنا انتصرنا انتصرنا

عبد الحليم ادى حكاية الشعب شعب للزحف المقدس قام وثار

شعب زاحف خطوته تولع شرار شعب حقق له جمال الانتصار

وانتصرنا انتصرنا انتصرنا