كلمات اغنية حنا قبيلة حرب موفين الاكيال فايز الشيباني

حنا قبيلة حرب موفين الاكيال فايز الشيباني كلمات

ي ليل من مسراك ماني بطايب

اسهرتني يالين نور القمر زال

تقول في صدري توقد لهايب

والصدر مثل النفط قابل للاشعال

ماتنطفي ناره بلفح الهبايب

حتى نرد من المعاريف مثقال

والطيب ماهو بس بين القرايب

الطيبين اخوان من ذوي ومن ال

والله لا اقف معه بالحال والمال

يامرحبا عداد وبل السحايب

والله يحييكم على فال وعقال

في حلة رجال لهم راي صايب

ذولا رجال افعال من قبل الاعمال

ياللي تقول الوقت لك ويش جايب

اقول تكفي معرفة فارس هلال

هذا ليا كبرت علينا الصعايب

علي الحرام اول مايطري على البال

وان صار عن عيني له ايام غايب

من لا ايراديا ادق اله جوال

اسم نماريبه على روس الاقذال

والضن في شرواه ماهو بخايب

رجال يسوى له ثمانين رجال

وعضوده اخوانه نهار النشايب

فزعاتهم عجله على كل الاحوال

دايم على الطاله تحث الركايب

وبيوتهم للضيف منصى ومدهال

يوم الكرم وهبة عزيز الوهايب

فازو به اللي تلطم الخصم لا عال

يمنى ماتفعل مثلهم للعطايب

هذا كلام الصدق والصدق ينقال

تنعم بهم وضحى زهتها الجنايب

ماتشكي من النقص لو الزمن مال

من دونها قروم تعصب العصايب

امبعدين الشده بكل محوال

من روس ربعي لا ادرق كل هايب

تارد حياض الموت ميراد الابطال

يوم الزمن مابين سلب ونهايب

حنا قبيلة حرب موفين الاكيال

واللي جهل في حرب حرب الحرايب

يسكت ليا جاء طاري شيوخ الافعال