كلمات اغنية دهات الطيب جزاع المري

دهات الطيب جزاع المري كلمات

دهات الطيب شيله مهداه الى الشيخ ناصر بن سعود ال شافي كلمات مبارك بن سوداء اداء جزاع المري

راكب الي ماهمه طول مشواره

اسرع من البروق ومن عواصفها

من عقود الذهب والماس مختاره

اجنبيٍ نوا الحاجه وصنفهـا

لانتهض مقدمه ماقلت سيـاره

معجزه راعي الفكره مولفها

لو يزوّد حداثه صار طيـاره

يرهق صناعت الايرباص ويخلفها

لكزسٍ تو غبا الكبوت بغبـاره

مابعد قطّع الذاري زعانفها

يتمثنا الوعر ويطير غباره

ولاوقف ماسمع نبرت سفايفها

ماهوب كل ليل اتبادل الطاره

ودك تفرّ ساعه ثم توقفها

منوت الي صفق يمناه بيساره

الحظوظ اشليه مايحالفـها

ذاخره لادوا في راسي افكاره

مثل ذخر البنادق في معاطفها

ناصيٍ باب شيخٍ ماطفت نـاره

شيخٍ المرجله كـمل وصـايفها

ناصر الي بفعله زاد مقـداره

واهل الطيب يتعب من يكانفها

ابو سعود ساس شيوخ وايماره

شيختن بالقنا والرمح صارفها

الشهر من الجدي وسهيل في داره

من تعدا الحفر والنـار شـايفها

ينطرب للمـديح ان غليت اسعاره

والمطاليق عارفته وعارفها

في حدود الشمال وجتني اخباره

جمل الابـه بطيـبه وشـرفـهـا

صار ذكره شمال المملكه شـاره

نفـسه الله على اطـاله مكـلفـها

مايقـدّم نـهار الشـده اعـذاره

يـاتي المعـضـله صـعبـه ويعـسفها

هامـتٍ مـن دهـات الطـيب وكباره

ومحزم ان هلت الاعيـان مذرفـها

راعي الشداد حمراً تخلف انظـاره

كـم ذلـولٍ مع الاخصـام واخلفـها

ماقنـا الا عريضـة ورك وفـقـاره

كـن جديل الحمـاويه مـعارفهـا

في جميع الدول مايسبق شعاره

لانـوته العـرب كسر مجـادفـها

كـم خذا بندق وشلـفا وسيـاره

بصمـته في الهجـن ماهوب زارفها

قبل الاشـواط هجنـه تـاخذ الشاره

جايزتها تجـيها في معـالفهـا

مرخصٍ لـ اهل الميدان ديـنـاره

جعل يبطي على الطاله مخرفها