كلمات اغنية ذوي سمار خالد ال بريك

ذوي سمار خالد ال بريك كلمات

ابتدينا والله الواحد البادي

طاعته سنه وتوحيده عباده

يالله التوفيق وهداي ورشادي

قبل اظل وراسي يتيم عناده

الهوا والنفس لشر تنقادي

والحياه وغيها سكر زياده

انتفاخر فالمناصب والاولادي

والقصور وموترن جمرك بلاده

قادتن للمرجله حي من قاده

روسهم تقدح سطر قدحت زنادي

محزمن مليان وسيوف جلاده

هم عيال اللي له المدح ينقادي

شايبن مايعبد العالم عباده

ياعوض لك فالكرم مجد وشدادي

كاسب الثنتين والرفقه زياده

اسمك مشرف من رموز معتادي

والعيال اللي علا الطيب وراده

فالمراجل نخبة الاد عبادي

كلهم لمصامخ الروس سداده

في عيون اهل الكرم زادت امجاده

مجلسن يزمي علا روس الاشهادي

الله انه يعمي عيون حساده

صممه باقي طرف نجخ من غادي

كن زحمات الجمرات رواده

المظيف اللي مثل صالة النادي

فيه ريح العود والنار وقاده

حطه اللي بالكرم شايبه زادي

باقي اللي اخذن منهجه عاده

الامام المهتدي والله الهادي

مامعه مع مصحفه كود سجاده

التقي اللي عن الدين ماحادي

الكريم اللي محنك من مهاده

من ذخاير عزوتن فعلها سادي

الشجيع فهيد ذولا من احفاده

مدحهم يرفع علا روس الاشهادي

يستحقون المدايح والايشاده

وفي ذوي سمار لشعر ميعادي

مايليق الا علا اكابر الساده

الزحول موردت كل شرادي

خصمهم ينسا متا كان ميلاده

مجدهم شامخ ثلاثي الابعادي

حي روسن مجدها صعب تعداده