كلمات اغنية راح النهار ميحد حمد

راح النهار ميحد حمد كلمات

راح النهار وهيفت شمس الغروب

وسوى شفق المغيب ع القبلة حجاب

صار الدجى يستدرج الوقت بالدوب

حتى بدا يضفي على كل مسحاب

واذا بليل معتم يسدل الثوب

ينسج من خيوط الغياهيب جلباب

اهوجس وانا مابين غافة وعرقوب

ماغير انا والليل والخلوة اصحاب

في بر خالي لا مرافق ولا مندوب

اسامر هواجيسي على راس مرقاب

الوجد صوب ولاعج الشوق من صوب

والهموم تتناهش الاساويد بانياب

واسج لي مروا على البال الاحباب

يصهر خفوقي بين الاضلاع لاهوب

عزاه من جرح فالاعماق ماطاب

لي باتوا الخالين في الهيعة طيوب

يقبض معاليقي من الويج خباب

ياويل من مثلي من الوجد مرعوب

يتمازعن يوفه رهيفات الحراب

رماني زماني دون زلة وعذروب

ياقدرة الله يوم تكتب لك اسباب

ضاري على حمل الكلف دون متعوب

لكن ماضاري على صد الاصحاب

كل مابغيت اعبر عن الشوق باسلوب

يجرفني التيار في بحر عباب

لو كان عن تبع الهوى قلت باتوب

الود من يسطي ف القلوب غلاب