كلمات اغنية راس مالي ماجد خضير

راس مالي ماجد خضير كلمات

راس مالي قطعة بْكار و وظيفه

ولا غبطت إللي ملا بوكه بطايق

يوم أباري الغافله و أندب منيفه

و أشبح القاده مع الجامه توايق

في هوى المتسنّد العقلا السخيفه

لا أكدوا مرباعٍ اشبه بالحدايق

ما نحيّرهن عن الدار المخيفه

والله إنّا كل عوق .. لكل عايق

بالعشوب إللي على بعض اتهايق

نشلع الشيعول للقاع المريفه

لا أنَوت الممشا ، مِخلات الطرايق

تهتوش وإليا أوحت الصايح خفيفه

إتوهم طرد خيل و ضول سايق

و آتحمّس و أحتفل مثل ابن ريفه

لا أنطرب في رد .. موال ابن شايق

إتبدد ضيقة الوقت .. الكليفه

ماتقول ان صدري إمن شوي ضايق

و الجروح الي من الدنيا ، طفيفه

ولا شكيت الا لرزّاق الخلايق

لو تصنعها الردي ، ماهوب لايق

و الجناب الدمث والنفس الخفيفه

بالرفيق الي مايحسب للعوايق

راس مالي لا تبجّح كل عيفه

في دقيق السلك ماحنا نوايق

من خلقنا الله لنا روسٍ منيفه

من متى كنا لخلق الله لحايق

من يحسب إنّا على وده وكيفه

ما عرفنا لا محقناها محايق

يوم إشوف بعين و الأخرى كفيفه

أتجاوز لو انا ماني .. برايق

اليدين نظاف و النيّه نظيفه

و الضمير بغفوة النفّاق فايق

ماني بجالس على الشعر و رصيفه

كان ماني مرضي أصحاب الذوايق

غن يا راسٍ ماهي تلحقْك خيفه

قادحٍ .. لا عاشت وجيه العلايق

و كان شفنا من صدوف الوقت شيفه

تكبر الدعوى و تصغر في دقايق