كلمات اغنية راعي بويضاء مسفر السندوانة

راعي بويضاء مسفر السندوانة كلمات

راعي بويضاء

لا قلوا اهل المواقف قام سهم الوقوف

وقفت لجل السنافي والقصيد ابتدا

كرامة الشعر ما هي مثل باقي الضيوف

كرامته بالبيوت اللي بصوت و صدا

لا من مدحنا مدحنا اهل الوفاء والسيوف

والله م تلقى جنيبي فيه ضعف و ردا

وإن جيت اعاين سجل الجود بين الكشوف

من مثل عبد اللطيف الشهم بين الصفوف

اسما و فعلا مع العالم بعيد المدا

من صغر سنه يداحم هالزمان بكتوف

على خطى زايد المرحوم طيب و هدا

باقي نباه العطر والناس فيكم تشوف

خلف رجالا على الشدة ترد الندا

واللي خواله مع عمامه سلاح بكفوف

ما هاب وجه الزمن ولا وجوه العدا

الشعر صعب يحصر عبداللطيف بوصوف

لو هو خيال الشعر بالبال قام يعدا

بو زايد اللي على القمة طموح و شغوف

ترا النوايا مطايا والليالي تطوف

كسيت كل المواقف والفعول شهدا

يا مرحبا راعي بويضاء و غنت حروف

بعداد غيما همل والطير لا من شدا

اللي يخيل البروق يخيل فيك القنوف

مدات يمناك تغني والنفوس تهدا

ما عنده الا على خشمي و طب الظروف

والغالبي كلمته والله م راحت سدا

له بالهجن نظرة والسبق فيه معروف

من عهد ماضي لهم سيرة بعطر الندا

يا كثر ما هو يلحق بالكرامة حلوف

شط القعود بعشا ولا كرامة غدا

آنا اشهد انه يسد بكلمته عن ألوف

من يوم غيره تعذر قال ما به جدا

من مثل عبداللطيف اسمه يزين رفوف

قرما و غنى الهجيني فيه قبل الحدا