كلمات اغنية رقاصة زياد الدساس

رقاصة زياد الدساس كلمات

حُب مين يا عم سُك .. على ايه حزين ما تفُك

انا مش محبوب حتى الكتابه عملت ليا Block

كانت غزيه قاعده تهز و شيك شاك شوك

في الفرح انا اضعف خلق الله و في الاحزان The Rock

انا كسر قلبي ميتلصمش حتى بـ جِبس

سابتني و سابت ليا ذكريات حزينه تِبس

اصبحت بارد صعب اتجرح صعب احِس

حُبك بُقعه في قلبي مش بتروح مهما بغير في اللبس

الغلط مني عشان بهتم .. فـ كان من السهل اتخم

إمتى الجراح تتلم .. حُبك طلع حرقة دم

في قلبي ألف هم و هم .. و حياتي غم في غم

عملت ايه لكل ده .. ده انا خونتك بس يا عم !

الدنيا اختارت ليا الزعل و الفرح ممنوع

تعبت من الجاثوم و كل يوم بقوم مفزوع

كدبت و قولت " تمام " و نزلت من عيني الدموع

----

قلبي اتركن عـ الرف زيه زي الفازه

هتحب ليه ما انا مش جميل ولا رشدي أباظه

معاكش فلوس متحبش .. كده جيبت الخلاصه

و دي عايزه اللي ينقطها بالبواكي عشان رقاصة

--

قلبي اتركن عـ الرف زيه زي الفازه

هتحب ليه ما انا مش جميل ولا حتى رشدي أباظه

معاكش فلوس متحبش حد كده جيبت الخلاصه

و دي عايزه اللي ينقطها بالبواكي عشان رقاصة

----

في دماغي افكار سلبيه , نهايتها إنتحار

حبيتها بـ قلب سيمبا , و اتغيرت بقيت سكار

كنت طفل فرحان .. و كبرت بقيت " شفيق حبار "

الدُنيا في عيني بقت اضيق من خُرم الإبره

قالت " صدقني انا مش زيهم " بس طلعت خبره

حقيقي طلعت عِره , و انا مش زعلان على فكره

قلبي اللي حَبك ده بـ عمايلك بقى يتعلم يكره

كانت تجيلي و بروحلها كانت تبكيلي و انا اضُمها

بس الدُنيا حالفه عليا ما افرح و كأني جوز أمها

مبتصعبيش عليا خيانتك ليا جابت الناهيه

قبل ما قلبي يحن عقلي سبقه و قالك " غوري في داهيه "

يا ضنايا .. جمال عينيكي بيسحر الصبايا

و انا اتسحرت و حُبي ليكي وداني لـ قضايه

خفيت خلاص منك و ايامي معاكي رميتها ورايا

انا انتصرت لكنه كان انتصار حزين للغايه

----

قلبي اتركن عـ الرف زيه زي الفازه

هتحب ليه ما انا مش جميل ولا رشدي أباظه

معاكش فلوس متحبش .. كده جيبت الخلاصه

و دي عايزه اللي ينقطها بالبواكي عشان رقاصة

--

قلبي اتركن عـ الرف زيه زي الفازه

هتحب ليه ما انا مش جميل ولا حتى رشدي أباظه

معاكش فلوس متحبش حد كده جيبت الخلاصه

و دي عايزه اللي ينقطها بالبواكي عشان رقاصة

----

Written By : Zeyad El-Dassas

Vocals : Zeyad El-Dassas

Music : (Prod By : Yousif Ozil)

Rec : Room 9 Studio

Mix & Master By : Ehab Samir

Poster By : Abdo Moharem

----