كلمات اغنية رق المساء علي عويس

رق المساء علي عويس كلمات

يا القلوب اللي تحرّى..

ويسكنها حنينْ

يا العيون اللي تزايد..

عليها شوقها

تسأل ورود المسرة..

متى الموعد يحينْ

ياعسى شمس المحبة..

يحين شروقها

كل شي عقب طلةْ..

محاسنها يزين

علينا تْسوقها

أقبلت بدرٍ تجلى..

تغنّيه السنينْ

والقلوب اللي تحرّى..

تحرّك شوقها .

رقّ المسا..

والليل بنجومه أقبَلْ

"ألْف الصلاة" من الكريم لبشيره

يالله عسى

مع بسمة الليل تكمل

للشوق وأسرار المحبين.. سيرة

طال انتظار الشوق..

والبدر قرّب يكتمل في مسيره

طلّت ولا أروع حكاية..

ولا أجمل

والعطر.. سولف للأماكن عبيره

يا بسمةٍ..

منها الحكايات تثمل

يااجمل حضورٍ

به تطيب السريرة

في كفها..

وردٍ من الشوق مبتلّ

وفي مشيها..

ماكنّها الا اميرة

نسمةْ على الدنيا..

تمون وتدلل

و اختارها اللي..

ما زهى المجد غيره

ليلة عمر..

ضمت بها يْدين (فيصل)

شمس الغلا اللي أشرقت له:

(مْنيرة)

وصلٍ سقاه الصدق..

غصنه تكلل

بأحلى ثمر..

غنّى على الغصن طيره

جعل الليالي بالمسرات تكمل

والله يسوق بدربهم..

كل خِيرة