كلمات اغنية رمز الفخر طالب المري

رمز الفخر طالب المري كلمات

اللي غدى رمز الفخر في ربوعه

سيف لأخو روضه يسله ولابار

نفسه على القمه تشوم وجزوعه

الشيخ يوم اختار عز الله اختار

اختار رجلا فارق في جموعه

من غير قاصر في طويلين الاشبار

ذا مزبن اللي جور وقته يلوعه

حتى اليتيم اللي عليه الزمن جار

خالد ولد شاهين محمود الاذكار

أصلا من اصله ماغدى من فروعه

صميدع واصوك وطيب وصقار

يهوى الوحش ويرببه في اسبوعه

تلقى الحرار النادره عند الاحرار

معه اشقرا يفرق بشكله ونوعه

إلى لحق يضرب م هو يصفح يسار

الموت احب ف نظرته من رجوعه

كن ريشها فالجو من ضربة اعصار

ودمها على وجهه وتحته نقوعه

والريش عاده مستمرا وقوعه

لو هو معشى صاد صامل وحشار

اللي يحده طيب ماهوب جوعه

إلى تقطع فالسماء رمع وطيار

على كبر شوعه تصاغرت شوعه

ولاسولفو من قو سبقه إلى طار

جو الآخرين وسولفو من طبوعه

طلع على التكيه وراكد ومسمار

ومن غير طلعه فارق في طلوعه

يوم يتلفت قانص كنه رادار

الى احترك عودا غدى فيه زوعه

ماهوب ملال إلى ماكفخ دار

ولايشغل الصقار فره بكوعه

ولا لعب في صاحبه بالتنكار

ولاهوب مشري بدين وقطوعه

يازين ثرها مارقص فوقه الفار

ثرا يخلي فالرياجيل روعه

في ديرة جاها من الوسمي امطار

راس الحزم حول من الما لقوعه

متمازع عشبه وهو بين الاشجار

لين يتشابك عشبها من مزوعه