كلمات اغنية روس المشاريف فهد بن فصلا

روس المشاريف فهد بن فصلا كلمات

البارح الهاجوس جاني على الكيف

ونقيت من جزل البيوت السماني

كله لجل راع الوفا والمواقيف

النادر الصارم وسيع البطاني

الهيلم جهيمان سيفا ولد سيف

من عزوة الغلبا هل الجبخاني

ابن رحيمه مايبى زود تعريف

فعله شهد له بين قاصي وداني

سمعتك يالهيلم من السيف لا السيف

طويل يمنى من طوال اليماني

تستاهل ابيات القصيد الملاهيف

اللي على مدحك يجيها اجناني

له سمعتا جزله ووقفه وشاني

اللي رقى بالطيب روس المشاريف

الله يمدك بالشفا يالحصاني

انجبت لك شبلا فعوله مراديف

ونهج مناهيجك بكل المعاني

الهيلم اللي له عليه معاريف

ومايجحد المعروف غير الهداني

انا اشهد انه كفو من غير تزوويف

نجمه سطع يشبه سهيل اليماني

وربعه سبيع ان قابل القيف للقيف

عدوهم يذوق حد السناني

وصلو عدد وبل النصوب المراديف

على نبي الله رفيع المكاني

معلومات الاغنية

كلمات الشاعر بديع ناصر ابن سرار الشهراني

ادا المنشد فهد الفصلا