كلمات اغنية ريض يا الطارش مشاري راشد العفاسي

ريض يا الطارش مشاري راشد العفاسي كلمات

ريض يالطارش يالمعنى خط بكتابك بترحيبه

لو سرى بك ليلك وجنى بالدجى في الليل تسري به

وان سال عنا له المنة قل على ما كنت تدري به

مدعيكم غايب عنا والحكم ما ييوز في الغيبه

ينبغي للانسان يتانى ويحكم باحكام مصيبه

لا تحسب الحيف ذا منا النصف ناخذ ونعطيبه

سو جميل وبلغه عنا بالسلام والف ترحيبه

بلغ المهموم ما تهنى ساهر ليله يهاذي به

يشغله بالفكر والظنا مكر وسواس والاعيبه

حزن في قلبه مخفنه دون ناس خايف تعيبه

قل له اللي له المنة عالم بالجهر والغيبه

يعلم بحالك ولكنه يختبر عبده بالمصيبه

حد كل حيلته يتمنى وحد حلمه بيده اييبه

واللي يقول يا رب امنا ما يعرف الياس والريبه

زاده القران والسنة وان دعاه الداعي يجيبه

طارشي ان ييت قول انه على العهد والوعد نوفي به