كلمات اغنية ريمية قصيد ماجد خضير

ريمية قصيد ماجد خضير كلمات

لاحت تباشير الفكر في عرض وسمية قصيد

فيها البروق اتلوح والرعاد دويه ورزمه

تشبه لنون قد طوت ليام ذكره طي قيد

سنة تربع مملكتنا من سكاكا ليدمه

شاعر واصيد الفكره الذاير وانا قناص صيد

ماني وانا فواز احط الوسم فوق موسمه

لي نضره وكلمه ولي هقوه وهوماتي بعيد

شعر ورثته مالحد فضل علي ومكرمه

وان جيت للبحر اسبحه وان جيت لضلع ادحمه

مير الليالي بيدت عزمي لو انه من حديد

اثر الليالي لاتلوت بالقوي ماترحمه

مايذبح الرجال ويسمه لو ان راسه عنيد

الا الهوى لاطاح مايسلم ولا الله سلمه

حبيتلي غيدا فرقها الله مهي بيات غيد

لبيه ياذاك القبال الي خذاني درهمه

الوجه قطعه من حلا والفم قطعه من جليد

والخد جمر يصطلي والموت عين وسلهمه

ماهيب ريمية فلا هاذيك ريمية قصيد

ام الجديل اليا انتثر تقول كيف تليمه

هاذي قمر خمسة عشر نوره جلا كل اعتمه

والجيد مضرب للمثل يفرق بزينه كل جيد

امجوعه ومشبعه ومعزله ومقسمه

مهما وصفته بالبيوت ايقوللي هل من مزيد

استغفرالله كنها هي بهواها ترسمه

تبون عاد الي عليه العلم والشي الاكيد

الخافي اعضم مير يردعني حياي اعلمه

من يوم راحت لي سنه وانا وقلبي مانهيد

من يوم قصر احلامنا جاه الفراق وهدمه

قولو لها تمد حبل الوصل واقف من جديد

ولارفعت بضدها دعوه لقاض المحكمه