كلمات اغنية ساري ابن بلوش جزاع المري

ساري ابن بلوش جزاع المري كلمات

الموال

يا سلامي على الوثبه ومن حطوها

للهجن ولمحبين الهجن جماعه

بظل ابو خالد محمد زعيم الدوله

دام عزه وعز اللي سنعه اسناعه

نايبه سيدي منصور واسمه يكفي

منبع الطيب والامجاد له تباعه

ودام سلطان ابن حمدان هو شعلتنا

الشيله

ابرك ابداع يا جزاع وابرك ساعه

فوز من يستحق الفوز بعد ابداعه

اطرب لفوز راع الطيب لو ما اعرفه

وفوز من كفه لفعل الجمايل طاعه

في ختامي هل الوثبه وفي صبختها

للتحدي رجال وللاوايل بعد طماعه

وخنجر الحول بمهجنات انتاجه

راح به ساري ابن بلوش بالرباعه

راح بالجنجر اللي يستحق يشله

وشل ناموسها في شوطها بذراعه

وقمة المجد بفعوله وطيب جهوده

لا غرابه وذا فعله وذا مرباعه

ما يصدر سوا النادر عديم بنوعه

وعزبته للذهب بإنتاجها شماعه

يا سلامي على ساري وكل انجاله

والتهاني لهم منا دبل منذاعه

شل صوتك يا جزاع العديم المري

وغن في فرحة اللي سمعته لماعه

ونومس لكل اماراتي به ومزروعي

من ربوعه ومن داره ومن مرباعه

ولخلف ساري اللي حاضره بصماته

ونظرته في ميادين الهجن وابداعه

انت واخوانك اشبال الاسد فالدوره

فعلكم فعله وطلعاتكم مطلاعه

وكل نشمي نماري به ونذكر فعله

كل عام وشهر واسبوع ولا ساعه