كلمات اغنية سالمه يا سلامه الشيخ امام

سالمه يا سلامه الشيخ امام كلمات

سالمه يا سلامه

بانوراما الدنيا فــونية صندوق الدنيا عصري

الصورة من أميركا والصوت من جوا مصري

لو تفهم كل قصدي أوهب لك نص قصري

و اكتب لك الوصية على جناح الحمام

و اتفرج يا سلام لم واتفرج يا سلام

شوف عندك يا سلام لم واتفرج يا سلام

هزلية مسرحية على تياترو السلام

سلام كلام أغاني وعليكم السلام

ما عاد على الغلابة عايد غير الكلام

واتفرج يا سلام لم واتفرج يا سلام

سالمه يا ســـلامه و داليدا رجعت بسلامة

ســـالمه يا سلامه اه يا ســلمى يا سلامة

مصرية و من مواليد شــبرا من تحت نفقها ومجاريها

لـو كانوا ما حرقوش الاوبرا كـانت حتصهلل لياليها

بالغنوة المدهونة شــفايف غرقانة وســايحة ببلاويها

سيد درويش اللي حيلتنا سرقوه و باعوه بيعة ندامة

سالمه يا ســـلامه وداليدا رجعت بسلامة

ســـالمه يا سلامه اه يا ســلمى يا سلامة

سالمه يا سلامه كوكا كولا جات بالسلامة

نشروا الاعلان ملو الجرنان جوا البراويز الدهبية

والتلفزيون بالصوت واللون كوكا كولا هي الاصلية

اشرب يا خفيف بطّل تخاريف

بلا طيز الطور بلا وطنية

كوكا كولا تفوق و تروق ضد الافكار الهدامة

سالمه يا سلامه على مصر التانية أم علامة

ولادة وحبلى وبـــكرية غصبا عن عين اللي باعوها

لا تغير لونها ولا أوانها ولا تنسى لسانها ،وضربوها

دي حبال مواويل من فيض النيل وتسلي ولادها يغنوها

تزرع غناويها بحواريها على نغمة بكرا البسامة

يا سالمه يا سلامه تولد وتقوم بالسلامة