كلمات اغنية سايغون - ابجد هوز الشيخ امام

سايغون - ابجد هوز الشيخ امام كلمات

سايغون - ابجد هوز

أبـجد هــوز حطي كــلمن إفتح صفحة إمســـــك قلمن

إكتب زي الناس ما بتنطق سقطت سايجون رفعوا العلمن

طلعت شــــمس اليوم ده أغاني كل ما نسمع نعشق تاني

طلعت شمس اليوم ده حريقه تكوي الجرح وتبري الألمن

ســــايجون عادت للثوار فـــوق الدم وتحت النار

جدوا فوجدوا زرعوا فحصدوا وإحنا إيدينا للسمسار

واللي قالوه السمسارجية واللي حكاه السمساردار

لما قروه القروانجية بالمستعدل والمندار

هتش ونتش بعزم الصوت عن أمريكا وهول أمريكا

جاتكو فضيحه يا طبقه سطيحة وعاملة فصيحة وجايبة العار

وكتبنجية وفصحنجية وسمسارجية وسمساردار

سايجون درة يا ثوار عادت حره للأحرار

ده احنا حنشبع بكرا أغاني إسمع وحفظ يا كتباني

واثبت عندك فى الأوراق مصر بتنضح بالأشواق

مصر عروسة وبكرا عريس والعشاق إحنا العشاق

فينا وبينا ولينا الثورة إحنا الثورة وهي الناس

فينا الماضي وبينا الحاضر والمستقبل هو الناس