كلمات اغنية سر ليلي مسعود بن شعفول

سر ليلي مسعود بن شعفول كلمات

حبيبي دامني ارقبك ترجع ماعلي اخلاف

عسى يوم انتظارك بعد ذاك اليوم والحره

بعدها مالقيت الا الونيين وبديت المشراف

وانا اللي قد جهلته يوم ماجي له لو امره

سرا ليلي وانا بس اتوجد واذكر اللي طاف

واصفق بالكفوف ومقنع من الوصل بالمره

غدت هقوات وصلك في ضميري هرجت الصحاف

يطمن والجيوش تجول في بغداد منثره

ترا كثر التصدد مثل سيلٍ يمحي الجره

عليك الله وامان الله لاعاد تعاون الحذاف

لواني مثل ضلع طويق ماهمه حصى الحره

يازين الوصل من بين الحبايب مايعد اسراف

تمادا فالوصل قبل الظروف اتعاود الكره

يحاربنا الزمن وظروفه اللي ماتعرف انصاف

لكن اصبر وابا اصبر عادت الايام مفتره

تقفي بك صدوف الوقت ياحبٍ ماهو ينعاف

مثل ماقفى رغم صملة جمال محمد الدره

لكن انسى من التفكير فالمستقبل الحواف

وعش لحظة غلانا اللي تجي فالليل مغتره