كلمات اغنية سكوت ارسينك

سكوت ارسينك كلمات

انا جاى احكيلك و اكلمك كإنك انا ف الماضى

و انا مش راضى

حاسس ملل مفيش امل قصادى

اديك عينة بسيطة م الى دوقته

منا زييك مريض مش دكتور

يا دوبى بحكيلك الى شوفته

كنت صبى انما شوفت الكل

محدش فى الناس دى فل الفل

طب بص و طل

ف وشوشهم غلب من كتر الذل

ده شرب المر

الى يعلم شاب ف طفولته يرول

اتعلم ف الشارع الشغل الحر

اول درس

مش كل دروس الشارع مفيدة

راجع تفكيرك حتى لو كانت الدافع بيهينك

اشتغل و انضف الفقر مش جدع دى عبرة نيلة

الفقر شيطان و الشارع اتخدع روح اقرا دينك

درس اتنين

تفهم الفرق بين

صاحب الشدة و كلب الكيف

شوفت منهم قد ايه

صاحب قعدة و صاحب ساعدك

لما احتاجته كانلك جيش

صاحب لعنة و كلب جنيه

و صاحب اعمى قلب و عين

اخر درس شروط النجاح

يا تتكلم بوزن يا تخلى سكوتك سلاح

تتحرك ف الخفا قبل ما يقصولك جناح

و مفهوش اصول كله مباح

حتى الدم مهما كان ف قلبك ذنب ولا اتخانت

مفهاش فرق

كم هم الزمن خلى الناس تتجن

هل مهتم مفيش شكوك

من غير كرامتى انا مليش وجود

اكيد اكرملى من انى اعيش ف سكوت

افتح سكة لسة بداية الرحلة

الدنيا مسيرها بتحلى

الجيل ده ف محنة

و ان جت فرصة يهج

عادى هيطير و يبيعها

بنشرب نحرق علشان نهرب نحلم

طب امال امتى الضحكة

ف زيج زاج حلوة و وحشة

مهما فشلنا نجحنا

مسيرنا نلف

و نرجع تانى و نعيش اليوم

ميه حاجة و عشرين مليون

ع النت مشاهير بالكوم

هتمشى ورا مين ف دول

مين الى دور ف ذاته و لقاها

كلها ع الشاشة ماسكين الفون

الزمن ده خلا الحقيقة بيئة

و الكدب متشيك ع التليفزيون

يا ساتر يا رب

انا و ازميلى داخلين ف مطب

لازم اتعلم اشيل مسؤولية

عشان ف سن التلاتين ابقى اب

لازم الصبر

لازم اشيل من القبض

لازم اغير طريقة القبض

لازم اكون متوازن قدام الضغط

عشان ابقالك ضهر

الاهل و الحب يعيطو للراجل

الراجل يعيط للشجرة

الراجل لازم يبقى هضبة

الراجل مش محتاج لشفقة

لو خايف تتحرك مش عارف تروح لفين

الى خاف التعب اكتر من الفشل ازميلى

بيدوق الاتنين

ده الواقع و الكدب ملوش رجلين

دى الدنيا و احنا تلاميذها

بكرة نبقى اساتذها

انا مش بتكلم ف السياسة

علشان دلوقت بمارسها

عندى ميشن بنفذها

لو مكانى كنت تزهق

على المولى رزقى و رزقك

صفو النية الدنيا تسلك

وسع و افتح سكة

لسة بداية الرحلة

الدنيا مسيرها بتحلى

الجيل ده ف محنة

و ان جت فرصة يهج

عادى هيطير و يبيعها

بنشرب نحرق علشان نهرب نحلم

طب امال امتى الضحكة

ف زيج زاج حلوة و وحشة

مهما فشلنا نجحنا

مسيرنا نلف

و نفتح سكة

و نبدأ تانى ف الرحلة

مسيرنا نلاقى مفاتيحها

مسيرها بتحلى

عشان الجيل ده ف محنة

ازميلى بس انسى نبيعها

بنشرب نحرق علشان نهرب نحلم

طب امال امتى الضحكة

ف زيج زاج حلوة و وحشة

فشلنا نجحنا

ادعيلنا ربك يسامحنا