كلمات اغنية سواد تي ام اكس

سواد تي ام اكس كلمات

الدنيا قتلت كلشي فيني صفيت كئيب

صعب اضحك صعب ابكي عن امي صفيت غريب

مالي مؤمن بالعدالة رغم القسمة و النصيب

سلسلة احداث بتهوي كبست هالشهر عصيب

خسرت كلشي و الصاحب لليوم بالحبس نزيل

سمعت كتير قصص بتأسي و السيناريو مستحيل

بحاول اكتب دايما فضي بلكي الهم عني بزيح

لا تسألني كيفك من ملامحي مش منيح

بس لأني فاهم كلشي تعبت الذكاء مش مريح

كل تفصيل بصير قدامي كاشفو وفر التوضيح

تلت رباع الناس خسرتا يمكن بس لاني صريح

مافي داعي لغلطة تانية من اول غلطة بتطيح

عم مشي ع حساب حالي حالي شو شال خساير

فواتير طيبة القلب وين ما بتلفت مصايب

ما بين السطور معاني فلا تسال شو اللي صاير

بتعاطى صرت الالم قلبي كم مرة نهزم

رد تاني اعطي فرصة بقلب ميت وجه ابتسم

انا اللي عشت الفلم انا اللي دبحني الندم

ما طلعت من تحت الصفر يلي متلي من العدم

طلع ما وقفت ع رجلي الا لما داخلي نهزم

ما كسرني شي قد ما كسرني الوطن لما نقسم

احتقرت الخطة B و طريقنا يلي انرسم

ما صفى جواتنا شي حرفيا كلشي انكسر

ما عاد بهمني حدا صارت الدنيي سواد

قرفت شكلي قرفت صوتي قرفت كل العباد

يعطيكي العافية كلشي حترق كلشي بيننا مات

بدعي ربي عالثبات زمن موبقات

و كل علاقة فاشلة فتتا صارت بسلة المهملات

و كل مصيبة اجت بخطك هي من ربك علامات

لحتى تآمن يا صديقي لا بد من اصابات

لا بد تقوي قلبك انت بزمن عصابات

لو رفيقي ليش لجربك يوم تصفية الحسابات

اضطرابات بداخلي عم بسمع الف صوت

عم بلعب بس مصاب ناطر صافرة نهاية الشوط

بوسط الليل تحاكي ربك لما الصبر يخلص

و الحمل عليك يزيد و الحسبة كل مالا تنقص

ياربي شلت فوق طاقتي يارب المحنة تخلص

يارب البشر توفي و متل ما عاملنا تخلص

مين انتو حتى تجو تحكو تأولو عليي هيك

مين انتو حتى ترمو عليي حكي ولك عيب

الفتو عليي سيناريوهات ضليتني ساكت ما حكيت

لأن آخر همي رضا الناس و كيف بتطلع عليك

انا مالي فيك امشي شيل ركز باللي بين ايديك

لانو عالحالتين مقصر و لو من لحمك عطيت

للبشر واهب نفسك و لربك ما صليت

ما استحيت لو فيهم خير صدقني ما تخليت

اي والله ما تخليت