كلمات اغنية شالية 1 ونوس

شالية 1 ونوس كلمات

شنطة سفر تذكرة سوبر چيت وهاند فري

مقولتش إني ماشي عشان أصلا مش مهتمين

چاكيت نبيتي والبسكوت في إيدي وساعة فضي

محدش حابب يسمع كلمة مني غير الـ Beats

بحكيلها تسمع مش بتزهق ولا بتقول كفاية

بالعكس بتكون حابه تعرف تفاصيل الحكاية

هي الوحيدة اللي لحد الآن مخانتنيش

أنا بحكي ليها ييجي من سبع تمن سنين

شديت ستارة الشباك قفلته عشان بخاف

من الغيوم والمطر تحديدا لو كان في ناس

وأما اشتكيت متأسفوش قالوا انت حساس

كانت مشكلتي إن تفكيري أزيد من الطبيعي

دايما بكون عامل حساب الكارثة قبل ما تيجي

مفيش أمل في يوم أنام من غير كابوس مخيف

لسه الكوابيس بتجيلي بس بقتش بتصحيني

في عز التلج أنا في الماية

مش حاسس برد في قلبي راكية

كلامك يومها كان القاضية

كان نفسي مره تكوني راضية

2

كان نفسي تفهميني قبل ما تيجي وتلوميني

تفتكري ليه هفضل مكاني لو في حل في إيدي

تفتكري ليه هقف مكاني لو عارف طريقي

أنا توهت في سكة مشيتها عشانك وانت عايزه تسيبي

بعيد اليوم شرب أكل شغل كتابة نوم

صبرت نفسي بجملة هانت كلها كام يوم

مش مرتاح ويا أي حد ولا فأي مطرح

أنا حتى في بيتي لسه حاسس إني عايز أروح

كل اللي أنا كتمته حالا بيقطع في بطني

شاليه 1 فكرني بواحد إسمه أحمد رمزي

خلاني أواجه وأنا مكنتش مستعد لده

بتمنى يرجع لكن لو في وقت غير الوقت

تذكرة عودة صور حلوة مشكلتها الجودة

بستكتر حتى فلوسي في نفسي شيلها لحاجة أولى

تخيل حجم الكوكب اللي أنا مرفوض عليه

مطرود من كل حته وكل حضن أروح لفين

في عز التلج أنا في الماية

مش حاسس برد في قلبي راكية

كلامك يومها كان القاضية

كان نفسي مره تكوني راضية