كلمات اغنية شعور الشوق سالم بن مغيثه

شعور الشوق سالم بن مغيثه كلمات

كل ما يعزف شعور الشوق نايه

تستوي ساعات وقتي والدقايق

كن ما عندي سوا الذكرى هوايه

وكن ما عندي سوا الماضي حقايق

وكن في صدري ميادين الرمايه

وكن في قلبي مشاهيب الحرايق

ليه انا من دون حسك شخص تايه

وليه انا لا شفت وجهك صرت رايق

بأن صدري من عقب فرقاك ضايق

يا بدايه مالها عندي نهايه

ولا لها عندي حدود ولا عوايق

ما يضاهي زينها غير المرايه

خصها الله فيه من بد الخلايق

اعذب من المزن لامن هل مايه

واجمل من الورد في وسط الحدايق

جملك ربي بما فيه الكفايه

من يبي ذمك ما يلقى له طرايق

كل شاية زين فيها منك شايه

وكل شي فيك للعينين شايق

كل ما تلبس من الازياء لايق

ما يهمك فيك منهو قال رايه

بينك وبين الثقه عقد وثايق

تدري انك بين خلق الله ايه

وتدري ان حبك بـ قلبي دوم فايق

مادريت انك لشوف العين غايه

لو تطيق البعد انا مانيب طايق

يا نهاية عمري ويا اجمل بدايه

صاحبك قلبه على لقياك تايق