كلمات اغنية شنو الحالة اوس فاضل ومو

شنو الحالة اوس فاضل كلمات

ويو ويو جاري نقل الحالة

إفتح الطريق سوي درب للنقالة

صافرة الاسعاف جايه تنقلك الحالة

السايد الأيسر يفرغ لمن يصفى مي الإساله

الساعة بالوحدة و عشرة

شمس تموز ضاربة راسه كله و دفرة

فاقد الوعي ممطوح نايم بالجزرة

شعره واگع جلده كرسبي عيونه صفرة

سلگ حمس شوي إيڤري دي

مو زين الزلمة يتنفس و بعده حي

صيف جهنمي حتى الشجرة تدور في

شنو الحالة

مطلك مرته و خسران الحضانه

حزينه الحانه ماكو بجيبه و لا عانه

وضعيته خربانه مگلوبه عالبطانه

چگه أبره فاليوم بشريانه و نزله هنانه

شنو الحالة

فاشنيستا عندها نوبة هلع

حساب الإنستگرام إنسد و لحد هسه ما رجع

مليونين متابع رشق بس اهم شي الرقم

هي كل عيشتي عالستوري مصدر رزقي إنگطع

شدلها مغذي و إسعفها بأوكسجين

كمادات 20 ألف لايك عالجبين

بعد ماكو سوشي حبي چقي علبة السردين

شنو الحالة

مرتفعة نسبة البطالة

ماجستير علوم بايو يشتغل عماله

عنده نقص فيتامين جنط مدرسة لأطفاله

عنده إيجار مزمن خط مولد هاي چماله

نداء الى عجلة الإسعاف رقم 56 حول

أوس أسمع عالي و واضح حول

إنهيار عصبي من مراجع بالنفوس

ساعتين و نص واگف بالسرة مكبوس

طلع ناسي صحته و ناسي صحة الصدور

لازم يركب للكاظمية النوبه يرجع للمنصور

شالقضية شلون شغله هايه

50 سيليزية الشارع صاير شوايه

إدزحام محمد القاسم طاخ ببسمايه

قافل يمنه قافل يسره قافل من كل الزوايا

ويو ويو سوي درب للإسعاف

ويو ويو مواطن صار بي جفاف

صحي و مادي و مهني و عاطفي

إفتح الطريق قبل لا يختار الإنحراف