كلمات اغنية شيلة غزلية راشد الجزوى

شيلة غزلية راشد الجزوى كلمات

بدعت فيش اغلى القصايد والالحان

انقى معانيها وادوّر جددها

الفكر في ذكرش يهوبل وطربان

حتى المشاعر فيش بيّن سعدها

ياعود ريحانٍ عليه النّحِل بان

نِحْلٍ جعل كل البنيّ تحسدها

يافتنةٍ شاعوا بها الانس والجان

بيّن مواري زينها في مهدها

قامت تناما كنّها ورد بستان

لين اكتمل بدر التمام وشهدها

وانا الفتين اللي غدا فيش ولهان

طارت به الفتنه ونفسه جهدها

بنزل ديارش لو دهرها حصدها

وتشوفها عيني بساتين وجنان

مادام زولش صبحها ومْهَجَدها

واليوم مابشر لنا الوقت باحسان

وخيله على الفرقا تطاول بيدها

ماكنّ ساعات اللقا فيه برهان

على المحبه يوم ناره وقَدْها

وانا سلاحي لاحتمى كل ميدان

صبرً جميل وعيني استر رمدها

واللي يريّحني على مر الازمان

هقواتي اللي ماتطايح عمدها

ببقى انا وانتي مواليف واعوان

لو المحبه كفنت في لحدها

معلومات الاغنية

كلمات: ذرب المشاعر

توزيع ومكس استوديو: ارانين

فوكل: ايمن قصيله