كلمات اغنية صوارم عيال وايل جفران بن هضبان

صوارم عيال وايل جفران بن هضبان كلمات

الليل بشت بدوي والوقت طلاب ثار

إن ما أمهلته الهقاوي ما احدن يمهله

صبو لي من الدلال اللي بوسط الوجار

مايقطع عماسي الا دله مهيله

سراني الواهس المنزوع لين استثار

وانا اعرفه مايجيب هزال ومقوله

ما بين عزم الطموح و نشوة الإنتصار

وما بين رد الجواب و كثرة الأسئله

يقطعك راس عن الأمجاد فيه خمله

تهزمني الذكريات اللي بعضها دمار

اللي ترد الرجل ما شاف مستقبله

ظروف الأيام تصقل بين خندق و غار

ومكاسب الرجل صاحب ماهو بيخذله

وانا كسبت الصديق اللي له الاعتبار

سندت من قمة الجوزاء على مدهله

مردد من بني عمي طوال العمار

يقلط مقاليط جدانه محد يجهله

من روس ربعي هل الحرشا عذاب المهار

اهل العزاوي ليا صاب الضعيف جفله

هم الشموخ المبجل وأعظمه و أنبله

دون امهات الحوير وامهات الخمار

من فوق سرج الاصيل الفارس نحوله

طلوح قبل الامن ظله يعم الديار

المجد حنا هله والطيب حنا هله

مواقف ل ابن مسعر ماعليها غبار

ناصر وريث الشداد وراعي المرجله

عليه لا صبو من الدله ام البهار

ينساق له من فناجيل الدلال اوله

يهون عنده صعيب الامر نسل الحرار

لا دق صدره على اللازم وقال ازهله

له عند ربعه وعند اللي يعرفه وقار

الله على الطيب والفعل الجميل جبله

في حفله العود الأزرق للنشامى يدار

تقول من طيب راسه للرجال أشعله

رباه عود نبا صيته علم فيه نار

سيف من سيوفه اللي سلها واصقله

ماهي غريبه ليا منه على الدرب سار

الطيب اللي مشى بالطيب ممشى اهله