كلمات اغنية صوت حمزة نمرة

صوت حمزة نمرة كلمات

الحياة ميت ألف صوت

ويا بعض مشبكين

صوت طيور ويا شجرها

تغني لحن بصوت حنين

صوت صديقي ولا همسه

يحكي سر في بير أمين

ندا الأدان جوا الجوامع

يشد قلب المؤمنين

وابتهال م الفصل طالع

من عيال في درس دين

الحياة ميت ألف صوت

ويا بعض مشبكين

ويا الصحاب متجمعين

صوت بكانا يوم وداعنا

يبقى في الذكرى الحنين

حتى دعانا وقت ضيقنا

وف صلاتنا نقول آمين

الحياة ميت ألف صوت

ويا بعض مشبكين

دقت جرسنا في المدارس

لما كنا مروحين

صوت الغنا جوا المصانع

يطفي نار الشقيانين

صوت آلاتنا لما تيجي

تشتغل تعمل عجين

حتى صوت الفاس في أرضه

لما كان بيشق طين

مهما كان فيك ألف صوت

شوف كل صوت جايلك منين

اتبعه قلبك يلين

علي دايما صوت ضميرك

شوف صداه واصل لفين

الحياة ميت ألف صوت

ويا بعض مشبكين

كلمات سامح خيري

لحن حمزة نمرة