كلمات اغنية صيف الجنوب فايز الدوسري

صيف الجنوب فايز الدوسري كلمات

ياوجودي وجد والوجد محسوب

وجد ماهو وجد لجنيه وريال

ولا على غالي ولافرقى محبوب

ولاعلى الدنيا ولاضروف الليال

اتوجد يوم اشوف الوضع نوب

ودي اسج القدم في كل جال

وودي بوضح مثل بيض النصوب

في عيوني من خيال في خيال

طافح هزعا مطيشها الحيال

تدهم القيعان بالمشي الطروب

لـ انتوت للمشي واومت بالسبال

عرض خد مدعجت عين وهذوب

فالسما عرنونها كنه هلال

امها الغنجاء وجدتها اللعوب

من خيار الوضح ممشاء وانتلال

ويضحانن تطلب الراعي ندوب

لاوحت الهوبال جا فيها هبال

وهرشها المنتج فمقدمت السروب

من عموق الساس ويعدل الحلال

في ضخام الراس والعظم الجلال

اتونس يوم اطخبها العشوب

للنتشر طياحها والدرب طال

الهموم ان جيتها عمي تذوب

تنقشع لو هي مثل سود الجبال

سلوت عن المنافق والكذوب

وعن علوم فلان قال فلان قال

السوالف فالشديد وفالدروب

وفالقصايد والمواقف والرجال

ونستن لو جمعها يخلي الجيوب

والله ان الي يكرمها حلال

دونها كم فيه حارب ومحروب

ولجلها ابعيش حل ورتحال

فالمصايف واصل صيف الجنوب

وفالمشاتي واصل حد الشمال

معلومات الاغنية

كلمات ماجد بن محصان

اداء فايز الدوسري

وتوزيع ناصر الشيباني

جرافيكس ناصر البقمي