كلمات اغنية ضباط حرب جفران بن هضبان

ضباط حرب جفران بن هضبان كلمات

مايزحزح ضيقة الصدر والليل ودجاه

غير لامني مع القاف ولحونه سريت

وجبت عوب ً لابدت كنها مفرع فتاه

من سمعها ماعطاها سكب ولا دليت

كامله ومجمله ماتبي لحد(ن) وصاه

ماتجمل با الفلكلور ولا الاوبريت

صرحها ب اقصى ضلوعي عظيم مستواه

يحتوي له مركزّ صحي ومية سويت

ماني اللي لا كتبها سردها كمبليت

والاساليب اتجدد مع افكار الدهاه

وش نبي فيه حقبة الهاف وعصور الونيت

شاعر يكتب ويقصد ويسكت من خلاه

وشاعر لو قاله بيت قيل بكل بيت

ماكتبت الشعر ابرفع رصيدي من وراه

ومتشبع من ضجيج المدرج واكتفيت

مكسب الشاعر وقاره على قيد الحياه

ودعوة الله يرحمه فلان لامن صار ميت

جعلني ماقول يا غير لـ اقوالي طراه

و وفي حقوق الرياجيل لا اخذت وعطيت

والاسامي كلها تستحق المانشيت

الحفل كله نجوم تلامع في سماه

عز ياضباط حرب اعضدايه لا اعتزيت

والوطن غالي ولحد(ن) يشكك في ولاه

ديني وثم وطني ثم مليكي ماحييت

وحرب من دون الوطن مدفع وسترة نجاه

قبل لا ترِد الطويله وراعيها لهِيت

يوم كان البير دوب يسد اهله ماه

من قبل لا يكتشف بير غاز وبير زيت

دارهم من بحر جده وماتضف السراه

وماتوطى نجد الانجد ليا بحر الكويت

ماتركو به متر واحد ولا مقلب حصاه

مازرعو به سمعه عطره وهيبه وصيت

كن تسطير الملاحم مع جيوش الغزاه

الحروب الطاحنه بين كابل والسوفيت

حرب صفن واحد ولحد(ن) يفرق لواه

سلطتن عدوانها لاطعام ولا مبيت

اضرب بجمع المساريح خصمي واحداه

والسوالم من ورى هقوتي لامن هقيت

حرب لامن دندن الحرب وافترت رحاه

ماتروح علومهم بين لو وبين ليت

كم خصيمً ذوبو كبد خله في عزاه

لين راح انحف من العود بالوقت المقيت

وجارهم يكرم ويحشم ولايقرب حماه

والدخيل ان وصلهم قالو كفيت احتميت

وضيفهم تطغى على سيوف عدوانه عصاه

روح ياضيف امن ومرحبا لان كان جيت

مدركين المجد من مبتداه لمنتهاه

لو ابسرد مدحهم للقيامه ما انتهيت