كلمات اغنية ضباط عتيبة حمد الطويل

ضباط عتيبة حمد الطويل كلمات

على وكور المعزه رفرفي ياغيوم

يسعد مسانا وصدر الشعر يسعد مساه

ظباطنا فارقين ومن سلايل قروم

واليوم تخريجهم كل عناله وجاه

تشوف الأبطال بالهيبه وقو العزوم

يعاندون الظروف ويقهرون الحياه

قبل التخرج وقبل يعلقون النجوم

تخرجو من بيوت اهل الثنا والدهاه

ووجيه بيض والمعروف سمعه وجاه

وصوهم ابوانهم بالمعرفه والسلوم

بعيونهم كل شي يهون غير الوصاه

هيلا تهايل من العارض لحد الجموم

افعالهم تنبهر منها صدور الرواه

عن كل شيً ينقص من وفاها تشوم

ومن كل شيً على الطاله تملك سماه

عوايد عتيبه الهيلا عساه تدوم

بالفعل في نجد يوم الوقت دارت رحاه

فزنا بالامجاد وعلوم الليالي علوم

أثبت على نجد الأنجد من جبال السراه

كم شيخ قوم يعاندنا ونبحث خفاه

قسومنا فالجزيره من خيار القسوم

والروس ماتخضع الا في فروض الصلاه

ومن يوم نادا معزي والبلاد محكوم

وحنا جيوشه عسا المولى يطيّب ثراه

ف أرقابنا بيعةً نجهر بها كل يوم

لعياله اللي مشو نهجه وعزو بناه

على عهود الولا لين القيامه تقوم

وحنا رجالً اليا قلنا الكلام نحماه