كلمات اغنية ضباط يام جفران بن هضبان

ضباط يام جفران بن هضبان كلمات

الشعر مركبٍ له شاطي ومينا

والهبايب تبين فعل ربانه

اسر ياليل عاد الصبح قافينا

والذوايق على مبداي عطشانه

لادعيناً باسامينا وغنينا

بينت خانة اللي مالها خانه

كل يامي يمثلنا ويعنينا

وان طمن واحدٍ قامو به اخوانه

والعدو نقلب اسمه بين حجانه

ياسلامي على اولنا وتالينا

عد وبلٍ يرب القاع ودانه

الكرم والمعزة والظفر فينا

والولا لله وسلمان واعوانه

صوب ضباطنا لحدٍ يوصينا

مايوصى قوي المتن فامتانه

البلد من يدين الشر فـ ايدينا

بإذن ربي ماجينا الا على شانه

من جبال اليمن الى بحر سينا

تحت ظل البلاد وظل سلمانه

مثل طيرٍ خذا البارود جنحانه

تعرف الدار حاضرنا وماضينا

عزوةٍ في سما لامجاد رنّانة

طوٌل الله بقى الدوله وباقينا

وطول الله عمر سلمان واعوانه