كلمات اغنية ضعت في حبك خالد ال بريك

ضعت في حبك خالد ال بريك كلمات

ابتدا الشاعر هجوسه وغنا يا سلام

قربوله شاهي احمر منعنع فالبريق

فاقد لي شخص عقبه فقدت الاهتمام

اه يا مقسا المفارق على الجرح العميق

يا حبيبة شاعرا ضاع ما بين الزحاااام

وش بقى من غيبتك ودي ادل الطريق

ضعت في حبك ومن ضاع لايمكن يلام

انتي وصوفك تخلي المشاعر تستفيق

ماذكرت الا طواريك يا حي العقيق

مبتعد عن صجة الناس وكثار الكلام

ما وراها غير ناس عساها في حريق

المهم اسهبت والجفن عيا لاينام

ساهرا ليلي وانا بين هم وبين ضيق

جيت باسوق المدايح لجل روس الشهام

مجدهم واضح وتاريخهم مجده عريق

جبت لي عصما تدل ازحازيح الكرام

شفتها لعيال غازي بن سبيق تليق

مرحبا في محفل يلفت انظار المقام

مرحبا ترحيبة دونها حرا طليق

ياذخر غازي وغازي عوين المستضيق

احتزم يا اخو هدايه وطش النا العمام

والله اني دون عمرك تراي اقرب شقيق

انت جدانك يالوتير متعبة الخصام

سيفهم قدم المعادي يلوح بالبريق

بن سبيق ينعرف يوم للعز استقام

مكرم ضيفه ويمناه تسعا للرفيق

والمطيري يوم سند على عيد الحزام

جاه مطلوبه وروح على العهد الوثيق

من بني حماد ربعي ستر ام الثام

ثابتين الوقفه اللي مثل وقفة طويق

يوم للخيل اصطفاقه وللمجد ازدحام

كاسبين الفعل كله مع المجد العتيق

يا جميله افخري في فعل ربع حشام

دونك السيف المحنا ليا جا نشف ريق