كلمات اغنية ضلمت كدا ليه حمزة نمرة

ضلمت كدا ليه حمزة نمرة كلمات

من الصبح غرقان فى مشاكل ومن البداية اليوم قافل

استنى فى الباشا يعدى داخللى عكس ومش سائل

قلبى ليه مش مطمن باينه يوم هندم عليه

هى ضلمت كده ليه اللى ودانى يجيبنى

يومى راح فى الزحمة يا بيه البلد بتعذبنى

انا كنت ناوى اخش يمين قالولى خش شمال احسن

انا قولت دول طبعا فاهمين بصيت لقيت نفسى ف مدفن

ده اللى يسال فى بلدنا ربنا يعوض عليه

هى ضلمت كده ليه اللى ودانى يجيبنى

بالعافية عديت الاتوبيس باضرب بعينى لقيت زفة

وما دام يا سيدى اليوم ده خميس خد لك معاهم ميت لفة

هيصة ولا حدش دارى بالمرار اللى احنا فيه

هى ضلمت كده ليه اللى ودانى يجيبنى

يومى راح فى الزحمة يا بيه البلد بتعذبنى

انا قولت مرة اعمل فاهم وخلعت من الزحمة مزاطط

ما وعيتش غير فى صلاح سالم فركنت على جنب اعيط

اه يا غلبى ايانا يامه مش هروح ولا ايه

هى ضلمت كده ليه اللى ودانى يجيبنى

يومى راح فى الزحمة يا بيه البلد بتعذبنى

ورجعت والشارع مقفول وزحمة والبيت متحاوط

لمحت واد كده مش معدول شايلينه قال عامل ناشط

هى ضلمت كده ليه اللى ودانى يجيبنى

يومى راح فى الزحمة يا بيه البلد بتعذبنى