كلمات اغنية طالب سادس يونس عزت ولورانس

طالب سادس يونس عزت كلمات

شنو الوضع شكاعد يصير

متوقف دماغي ماكو اي حالة من تفكير

مطشر كتبي على اساس كاعد اقرة

بس ماكاعد افتهم الدرس منا ولا عبرة

باجر امتحاني وعقلي لطش على الاغاني

وتخيل اكل برياني ولحم على الصواني

جنت اكول سادس سهل وكلش ايزي

بس لـ ضعية كلش خارطة ياعزيزي

اكثر شي اكرهة بحياتي الرياضيات

ماعندي لا قلم لا مسطرة وحتى مساحات

واذا رسبت ابويه يوكلني انواع الكتلات

يلا يابة نويت اني هسه اقرة

والحبيبة كامت تتصل بهاي لحظة

يمعودة راح ارسب حتصير بيه اني جرلطة

ما واكع مشاكل بس السادس اكبر ورطة

طبيت رايد معدل

خوية هسة نريد بس الستر

ابوية محضر حزام معدل

كلي اذا ماتنجح برة تنشمر

يعني شنو ذنبي بس لان

صرت طالب سادس

هيجي صاير بية

منا الكرايب منا اصدقائي

دنيا احسها افترت علية

وأدعيله

طلعاته قليله

من الصالة الى الغرفة

حلمه تلفون نركيله

تشوفه يحجي وحدة

غلس سايره ومشيله

محبوس هاي الفترة

والتهمة يكمل تعليمه

جيب x حل y

وازن هاي ويا هاي

مخي قفل سوه fly

عكس النتيجة وياي

مخلصها كهوة شـاي

مـحاضرات رايح جاي

ملازم هموم هواي

وين الدومنة وين الرأي

صديقي ال Math

حلوة العشرة بس ماريدها

على بختك ثاني

سنه بيك اعيدها

يجيني الشاعر

وضح قصده وأبياته

لو يرجع بيه الزمن

جنت غيرت ام حياته

كيميا ولا فيزيا

الفرق يلي بينهم ما عرفته

صوديوم وكاربون

بدعاوي انا نجحته

مسابقة محيبس

برعاية الأنكليزي

نفس الكلمة بالف معنى

وحتبلع سؤال رئيسي