كلمات اغنية طور في ساقيه ليل المحمدي

طور في ساقيه ليل المحمدي كلمات

في الوقت اللي انت بتقرا فيه جوابي

بنهي حياتي وانا في بداية شبابي

من غير ما تحتار او تفكر ايه اسبابي

كل اللي فيها اني زهقت من عذابي

كل يوم طور ف ساقيه بيجري ورا حبه ملاليم

لاغي حلمه ناسي هدفه كل همه مليم

لما قال ال أه ف مره قالوله انت مش سليم

ف انت تمشي ونجيب غيرك يستلم قسم الجحيم

شكلك مش ملائم لينا هنا ف سوق العيد

محتاجين عبد خبره خمس سنين وانت جديد

تتعلم وتقول حاضر تمام يا فندم

ف بقيت عواطلي ف شلة بايظه بنسهر للفجر ع القهوه

حتي الحلم بفلوس ياما عشان اسعاله محتاج ل ثروه

ف بقيت عاله علي اهلي بس والله غصب عني

كل يوم بحاول اقف بس الاحداث بتوقعني

التليفون بيرن برد حبيبتي تقول سامحني

استنيتك ياما بس انت كده بتعنسني

اهلي شكو فيا علشان برفض اي عريس

ف انا مضطره اسيبك انت وحظك التعيس

بصلي ابليس وقالي عشان ننساها لازم نشرب

اربع للبق الاخير فكك من الواقع ده واهرب

ف شربت عشان انساها مشيت بهلوس ب اسمها

ليه باعتني ف اكتر وقت احتاجت فيه حضنها

بقايا انسان مطفي ملامحه باهته من الجروح

مش عارف رايح سايبني اروح مكان ما اروح

بقي الموت بالنسبالي هو ده اكبر طموح

مش عايزك تستغربني انا في زيي كتير

يمكن احنا الاغلبيه العظمه المدفونه بضمير

هتشوف ع الوش مننا ناس مش باين عليها

لكن جواها نار بتاكل كل حته فيها

اخدولنا صوره بنضحك فيها قالو مبسوطين

احنا بنضحك اه لكن من كتر ما موجوعين

قولتو اننا جيل فاشل عشتو دور المظلومين

والله ده احنا جينا لاقينا جناحاتنا مقصوصين

المنبه بيرن بصحا استغربت بصراحه

ازاي وانا واخد اجازة من الدنيا واستراحه

اتاريني اتلخبط واخدت برشام المنوم

يمكن دي فرصه تانيه هطلع بيها من المتاهة

رميت برشامة الاستراحه وقولت انا هفوق

هركز علي احلامي بس واسمي هيبقي فوق

اضحك ياللي بتكتئب والدنيا بكرة هتحلو

صمم كمل وعافر وانت تنجح عافية زوق

الدنيا دايما هتسبلك ف الرحلة فرصه تانيه

استغلها وحاول تعيشها بعين راضيه

هتشوفها سودة هتلاقي السواد بيملي الجو

هتشوفها حلوة وتضحكلها تضحكلك ف ثانية