كلمات اغنية طول الوقت مصطفى كامل

طول الوقت مصطفى كامل كلمات

طول الوقت وانت بتخدع وانا مش فاهم سايب روحي وعايش واهم

بتعيشني في دنيا جميلة بتسهرني ليالي طويلة

كل يومين توعدني بوعد وبتحلف لي ان احنا لبعض

كل ما نبعد ترجع ثاني واتاكد لي ان انت عشاني

وانا من طيبتي وطيبة قلبي صدقت

طول الوقت وانا في بحور اوهامك عايم قلبي يا عيني مغمض نايم

فاكرك شط وبر ومرسى وكل ما تكذب اسامح وانسى

لا شيء كل عواطفي معايا فاكر قلبك قلب ملاك

وانت بتزرع جرحي وياسي وانا بضحك على روحي ونفسي

وكان لازم افوق من وهمي وانا فقت

ليه الحب يهون تخدعني وتخون

ليه مقدرتش ليه معرفتش مرة واحدة تصون

افضل اداوي جراحك وارجع وانا كلي الام

ليه ليه ليه

طول الوقت وانت معايا في كل غرورك لسه مصر تكمل دورك

لسه بتلعب دور الخاين بس برافو عليك مش باين

كل ما احس بغدرك يوم ترجع ثاني تقول مظلوم

وابدا اصدق ثاني دموعك وافرح ثاني بطعم رجوعك

اعمل ايه ما انا جوة بحور الوهم غرقت

طول الوقت وقلبك خاين زي ما هو وانا على وعدي بحب بقوة

عمري ما كنت اتصور انك كل الغدر ده يطلع منك

انا صدقني بجد حزين مش على هوى ولا شوق وحنين

على ايام عمري اللي اتسرقت على احلام قلبي اللي اتحرقت

بندم اني مشيت وياك وبدات

بندم ع الانسان اللي عشقته وخان

اللي هويته واللي اديته كل شوق وحنان

بندم ع المشوار اليل انتهى بالنار

ما انا وعيني وقلبي وروحي معرفناش نختار

ليه ليه ليه

بتعيشني في دنيا جميلة بتسهرني ليالي طويلة

كل يومين توعدني بوعد وبتحلف لي ان احنا لبعض

كل ما نبعد ترجع ثاني واتاكد لي ان انت عشاني

وانا من طيبتي وطيبة قلبي صدقت