كلمات اغنية طيحة شجاع خالد ال بريك

طيحة شجاع خالد ال بريك كلمات

دثريني يا مرامي عسى وقتي يزين

الظروف اللي تمر الرجل ما تخلفه

خايف لا اطيح طيحة شجاع بلمح عين

و الشجاع يموت شامخ قبل تستضعفه

عادني للحين واقف على باب الحنين

ارجعي قدام دمعي من الضيق اذرفه

كل عذر تنطقينه يجي عذر سمين

ينطوي و يروح ضيق الحنايا فـ طرفه

و المحبه تتعب الصادق و تستنزفه

اقدر اترجم بشعري شعور العاشقين

و اقدر امر البحر من رهاوه و ارشفه

من ضياعي يوم شفتك قدرتي ترحلين

يمكن امر الشوارع و اضم الارصفه

رحلتي بين السماوات لين الفرقدين

كانت الرحله من الارض جدا مكلفه

يمكن استلطف جروح الزمن و انا حزين

المحال اني اشوف الردي و استلطفه

يقلط المدح الحقيقي ولا يحتاج وين

فيك يا ابن قريعه المدح مثل الفلسفه

لـ الحصان اللي دروب المراجل تشعفه

كيف ما اغني و اشد انتباه الحاضرين

و اتقدم فيك و اجيب ذكرك و انصفه

شيخة ماهيب من ساس مجد الاولين

يتضح من يدعيها و تقدر تكشفه

من يعبد اهل الفلاشات و يحب اليدين

فدوت اللي لا تقدم يبرهن موقفه

استلم معزوفة المدح يا الحصن الحصين

كل بيت في مديحك عن الف مولفه

من غلاك اراجع البيت مره مرتين

اكتب البيت القوي فيك و ارجع و احذفه

اتهازل فيك مدحي وانا كلي يقين

اني اجيب الذهب من مغنه و اصرفه

ماخذ من قبلة المدح منصى الطيبين

كل موقف يعجز شعوري انه يوصفه

يا عوض ما ودي اجيك غير بمطلعين

من غلاك اعن فكري موده و اصلفه

عشت يا درع القبيله و يا الضلع المتين

كثر من عاشوا تحت ظف خيرك و اكنفه

كلمتك مثل القذيفه و وقع المارتين

و مدتك من كف يمن عليها مسرفه

و اسمك لحاله يجمل و يفتك السجين

و فعلك يفض المقادير فض المنكفه

انت جامعها معا المرجله دينا و دين

ابلج رايك يقدي قوي المعرفه

مجهد نفسك و ثابت على مر السنين

دون ربعك تبطش المال بطش و تتلفه

انت مالله يخلقك فـ الاوادم نسختين

و انت غاية كل ضايق و حلمه و اهدفه