كلمات اغنية عالم موازي عمر الكروان

عالم موازي عمر الكروان كلمات

بموت في السر ألف مرة بس عايش

في وسط ناس بتدي للي خان جوايز

عالم شيطانها هوه دايما اللي فايز فيهم ساء

العمر لحظة كله ماشي كله رايح

زي الدوا ماهوه الأيام مالهاش ملامح

كله بيتغير والنهاردة غير امبارح

واللى باع اتباع

الدنيا فيلم اكشن مش رومانسي

لو غبت يوم واحد هتبقي منسي

لو وقعت مش هتلقي حد يشد ايديك

وهتفهم بالتضراب والممارسة

والهزار هيقلب جد هيغدروا بيك

احنا جينا في زمن مالهوش كتالوج

هوه مين يؤتمن والطريق معوج

كله بقي بتمن ماشى حسب الموج

واللي راح انتهي والدخول غير الخروج

هوه فين الوفي انا مالقتهوش

فاجئة كله اختفي كنوع مغشوش

لما النور اطفي اتبدلت الوشوش

شوفت ياما في دنيتي غدر الناس معشتهوش

اعمل حسابك ان اساس الحرب خدعة

والطيبة ماتت وانتهت مبقتش نافعه

عالم مغيب طول الوقت الشبكة واقعة

داين تدان

فيلم الحياة مالهوش مونتاج ولا اعادة

واللي بيموت عليه بنشرب قهوة سادة

من غير مقاوحة لازم ترضي علشان تتراضي

وكل شئ بأوان

فؤقت من الصدمة بس دماغي لسة دايخة

مليت خلاص من كتر اللف على المشايخة

وحالي ده حالي

نفسي الاقي حد بيوفي بوعده ويصدق

الناس في الشر واخدة جايزة بأعلي نسبة

عالم موازي وكل يوم ماشين بمبدء فين راحة البال

الدنيا فيلم اكشن مش رومانسي

لو غبت يوم واحد هتبقي منسي

لو وقعت مش هتلقي اي حد يشد ايديك

وهتفهم بالتضراب والممارسة

في خلق مستنية نص فرصة

والهزار هيقلب جد هيغدروا بيك

احنا جينا في زمن مالهوش كتالوج